Қазақстанның басым бөлігінде сенбі күні күн райы құбылмалы болады, деп хабарлайды Aqshamnews.kz тілшісі «Қазгидромет» деректеріне сілтеме жасап.
Синоптиктердің болжамынша, атмосфералық фронттардың өтуіне байланысты еліміздің көп өңірінде жаңбыр жауып, найзағай ойнайды. Батыс, оңтүстік-батыс және солтүстік-батыс аймақтарда қатты жаңбыр, бұршақ пен дауыл күтіледі. Тек орталық өңірлерде жауын-шашынсыз ауа райы сақталады.
Республика бойынша жел күшейеді. Оңтүстікте шаңды дауыл болуы мүмкін. Түнде және таңертең елдің солтүстігінде тұман түседі.
Абай облысының оңтүстігінде ауа температурасы +35 градусқа дейін көтеріліп, қатты ыстық болады.
Астана қаласында күн құбылмалы бұлтты, жауын-шашынсыз. Ауа температурасы түнде +13+15, күндіз +30+32 градус.
Алматыда да жауын-шашын болмайды. Түнде +15+17, күндіз +29+31 градус жылы.
Шымкентте күн ашық, жауын-шашынсыз. Түнде +16+18, күндіз +32+34 градус болады.
Бірқатар өңірде жоғары және төтенше өрт қаупі сақталады. Мамандар тұрғындарды табиғат аясында от жақпауға және қауіпсіздік ережелерін қатаң сақтауға шақырды.
Сондай-ақ алдағы үш тәулікте оңтүстік және оңтүстік-шығыстағы таулы өзендерде жаңбырға байланысты су деңгейі құбылуы мүмкін.