Семейден шыққан әйгілі боксшы Владимир Кличко рингке қайта оралу мүмкінді украиналық «Бомбардир» подкастының сұхбатында мәлімдеді, - деп хабарлайды aqshamnews.kz
Владимир Кличконың рингке қайта оралуы туралы әңгіме Майк Тайсонның блогер Джейк Полмен өткізген жекпе-жегі талқыланған кезде көтерілді. Тайсонның 58 жасында рингке шығып, жақсы нәтиже көрсеткеніне таңданысын білдірген Владимир Кличко өзі де рингке қайта оралу мүмкіндігін қарастыратынын айтты.
«Рекордтарды бұзып, жаңасын орнату үшін жасалады», — деді ол, 45 жасында әлем чемпионы атанған Джордж Форманның жетістігін меңзеп.
Украиналық спортшы өзін әрдайым тамаша физикалық формада ұстайтынын атап өтті.
«Егер уақыт болып, мүмкіндік туса, Джордж Форманнан кейін жаңа рекорд орнатуға деген ниет туындаса... Бұл мен үшін тиімді ме? Онда мен дайынмын», — деп қосты Кличко.
Дегенмен, спортшы 2024 жылы мұндай жекпе-жек болмайтынын нақтылады.
Кличко соңғы жекпе-жегін 2017 жылдың 29 сәуірінде британдық Энтони Джошуамен өткізген болатын. Сол кездесуде украиналық боксшы жеңіліп қалған. Қазіргі уақытта Семей тумасы 48 жаста.