Семей қаласында қоқыс контейнерінен жаңа туған нәрестенің мәйіті табылып, оқиға бойынша полиция сотқа дейінгі тергеп-тексеру бастады, деп хабарлайды Aqshamnews.kz тілшісі.
Полицияның мәліметінше, қорқынышты жағдай 3 ақпанда анықталған. Тексеру барысында сәбидің анасы 20 жастағы қыз екені белгілі болды. Алдын ала дерекке сай, босану үй жағдайында, медицина қызметкерлерінсіз өткен. Қыздың айтуынша, бала дүниеге келген кезде тіршілік белгілері болмаған.
Абай облыстық ПД хабарлауынша, нәрестенің денесі сараптамаға жіберілді. Сараптама қорытындысына қарай процессуалдық шешім қабылданып, оқиғаға қатысы бар екі адамның әрекетіне құқықтық баға беріледі.