Кезекті Тредс топтамасында не бар? Осы аптада жұрт желіде нені трендке айналдырды? Аqshamnews.kz тілшісі жинақтады.
"Қайрат"-"Ақтөбе" матчының жұлдызы
Әлеуметтік желіде "Қайрат" - "Ақтөбе" матчына сары-қара дене ысқышпен (мочалка) барып, қолдау білдірген жанкүйердің суреті тарады. Қолдаушының идеясы жұртты күлкіге қарық қылып, лезде жұрт арасында тарап кетті. "Желіні жарған" жанкүйердің әрекеті Тредсте біраз талқыға түсті. Жұрттың назарына аударған жасөспірімнің кім екені жайлы бұған дейін толығырақ жазған болатынбыз.
Кейін Тредсте Ерниязға ("Қайрат" жанкүйері - еск.) нағыз мойынорағыш сыйланғаны белгілі болды. Бұл тармаққа Ернияз үшін қуанған жұрттың қарасы көп болды.
"Себеп-сіз": Тредстен тараған тренд желіні қалай жаулады?
Жақында журналист Аян Қалмұрат гүл дүкенінің атауына ерекше ұсыныс тастап, Threads желісінде жариялаған еді. Әлеуметтік желі қолданушыларына бұл ой ұнап, жазба лезде тарап кетті. Aqshamnews.kz тілшісі трендке айналған идея авторымен сұхбаттасты.
Аян мырзаның жазбасынан кейін жаңа тренд тарады. Гүл сататын дүкендердің маркетингінің оң жамбасына түсті. Көпшілік түрліше әзілдеп те үлгерді.
Ең мейірімді Тредс
Ал бұл жазбаны көрмеген жан жоқ шығар. Қырғызстанда болған оқиға жұрттың назарын аударды. Жаңбырлы күні бейтаныс қызға қолшатыр ұсыныс, джентльмендік танытқан жігіттің әрекеті жұртты сүйсіндірді. Тредсте оның бұл шешімін талқыға салып, мейірімділігіне риза болып жатқандар көп.
Жазба Тредсте 2 миллионнан астам қаралым, 120 мыңнан астам лайк жинаған. Көпшілік оның әрекетіне:
"Нағыз ер-азаматтар әлі де бар екен", "Міне нағыз жігіттік!", "Осындай әрекеттер еркектің нағыз күші оның сөзінде емес, ісінде екенін тағы бір мәрте дәлелдейді" деп пікір жаудырып жатыр.
Аqshamnews.kz редакциясы желі жұлдызына айналған қырғызстандық жігіттің кім екенін тауып, оның бұл әрекеті жайлы сұхбаттасқан болатын. Ол сол сәтте тек жақсылық жасауды ойлағанын және бәрі қалай болғанын айтып берді.
