Құрылтай сайлауы қарсаңындағы үгіт-насихат қыза түсті, деп хабарлайды aqshamnews.kz тілшісі.
Партиялар өз бағдарламаларын таныстырып, сайлаушылармен түрлі форматта байланыс орнатуға ұмтылуда. «Қазақстан» және «7 арна» телеарналарында өткен алғашқы екі дебат та осы үдерістің маңызды бөлігіне айналды. Жалпы алғанда, қазіргі науқаннан саяси бәсекенің біртіндеп мазмұндық сипат алып келе жатқанын байқауға болады. Ең бастысы, сайлаушы үшін ақпарат пен салыстыру мүмкіндігі көбейіп отыр.
Саясаттанушылардың пікірінше, биылғы Құрылтай сайлауы өзіндік ерекшеліктерге ие. Бірқатар сарапшылардың пікірін бір арнаға тоғыстырғанда кезекті сайлау науқанының басты ерекшеліктерін былай жіктеуге болады:
Ең алдымен саяси партиялар теледебат сынды классикалық тәсілдермен қатар әлеуметтік желі арқылыда электратпен байланыс орнатуға басымдық беруде. Алдынғы өткен теледебаттардың нақты бір тақырыпты негіз етуі сайлаушылардың талдау жасап, өз таңдауын бекітуіне оң ықпал етті.
Екіншіден, саяси партиялар елдегі жастардың ықпалымен көбірек санасып отыр. Оны партиялар ұсынған кандидаттардың орташа жас мөлшерінен және бағдарламаларында жастар мәселесіне кеңінен орын беруінен де көруге болады.
Тағы бір ерекшелік ретінде саясаттанушылар сайлаушылардың бұрынғыдай емес, нақты сұрақтардың жауабын іздейтінінде деп санайды. Айталық, қандай да бір саяси партияның ұсынған бағдарламларында өзінің жеке мүддесіне қатысты проблемаларға орын берілген бе немесе нақты әлеуметтік экономикалық мәселелерді шешуге бағытталған ба деген сауалды тікелей қойып отыр.
Сайлау науқаны қарсаңында отандық сарапшылар елдегі саяси көңіл-күй мен үгіт-насихат жұмыстарының нәтижесін салыстыра бағалап отыр. Айталық, бүгінде Алматы қаласында көптеген саясаттанушылар мен сарапшылардың басын қосып, сайлау үдерісінің жайын талқылап отыр. Онлайн форматта әр өңірдің сарапшылары да қосылған кең алаңда қазіргі саяси доданың табиғаты жан-жақты талқыланды.
Бұған қоса, баршаға белгілі бір жағдай – қазір сайлаушылар аудиториясының ақпарат алу мүмкіндігі кеңи түскен. Тіпті жастар арасында партиялардың әлеуметтік желімен, заманауи байланыс платформаларын қаншалық тиімді пайдалануымен де партиялардың аяқ алысын бағалайтын болған. Осыған қарап отырып Қазақстандағы алғашқы Құрылтай сайлауы болашақтағы саяси үдерістерге терең ықпал етуі мүмкін деп болжауға болады. Мұнда сайлаушылар мен саяси партиялар үшін де үлкен тарихи сабақтар алуға болатынын баса айтқан жөн.