Алматылық «Қайрат» футбол клубы Біріккен Араб Әмірліктерінің Абу-Даби қаласында өтетін оқу-жаттығу жиынына қатысатын ойыншылар тізімін жариялады, деп хабарлайды Aqshamnews.kz.
Команда бас бапкер Рафаэль Уразбахтиннің жетекшілігімен БАӘ-ге 25 футболшымен аттанады. Клубтың мәліметінше, Дастан Сатпаев, Олжас Байбек және Азамат Туяқбаев әзірге сапқа қосылмаған – олар оңалту кезеңінен өтіп жатыр.
Абу-Дабиге баратын құрам
Қақпашылар: Темірлан Анарбеков, Шерхан Қалмырза, Данила Буч.
Қорғаушылар: Луиш Мата, Александр Мартынович, Егор Сорокин, Еркін Тапалов, Александр Мрынский, Александр Широбоков, Лев Кургин, Сұлтан Аскаров, Әмірбек Базарбаев.
Жартылай қорғаушылар: Дан Глейзер, Валерий Громыко, Дамир Қасабулат, Әділет Садықбеков, Яакко Оксанен, Юг Станоев, Мұхамедәли Әбіш, Исмаил Бекболат.
Шабуылшылар: Жоржиньо, Эдмилсон, Рикардиньо, Рамазан Бағдат, Мансұр Бірқұрманов.
Айта кетейік, тізімге алматылықтардың жаңа ойыншысы – Финляндия құрамасының жартылай қорғаушысы Яакко Оксанен де енгізілген.
Клуб бұған дейін 4 қаңтар күні таңертең команда БАӘ-ге ұшатынын хабарлаған. Жиын 15 қаңтарға дейін жалғасады. Бұл кезеңдегі басты міндет – маусымға қажетті физикалық бабқа келу және ресми кездесулерге тыңғылықты дайындалу.
Оқу-жаттығу жиыны аясында «Қайрат» екі жолдастық матч өткізеді:
-
9 қаңтар – әзербайжандық «Нефтчиге» қарсы;
-
14 қаңтар – хорватиялық «Вараждинге» қарсы.
Ал одан кейін алматылық клубты Чемпиондар лигасының жалпы кезеңіндегі соңғы екі ойыны күтеді:
-
20 қаңтар – бельгиялық «Брюггеге» қарсы;
-
28-інен 29 қаңтарға қараған түні – лондондық «Арсеналмен» кездесу.
Турнирдегі жағдай
Қазір «Қайрат» турнир кестесінде 36-орында тұр. Команданың қоржынында кипрлік «Пафоспен» болған 0:0 тең нәтижеден кейінгі 1 ұпай бар. Бұған дейін «Спортинг», «Реал», «Интер», «Копенгаген» және «Олимпиакосқа» қарсы ойындарда ұпай ала алмады.