Алматы - жастар қаласы. Мұнда жастар армандарын орындап, қаланың дамуына өз үлесін қосады. Ал қала жастарға жаңа мүмкіндіктердің жолын ашады. Осылайша, мегаполисте жас мамандарға арналған бағдарламаны сәтті пайдаланып, үйлі болған азаматтардың бірі - Рүстем Қадырбеков.
Ол 2015 жылдан бастап Алматы қаласы Төтенше жағдайлар департаментінде өрт сөндіруші болып жұмыс істейді. Қазір бөлімше командирі. Маман мемлекеттік бағдарлама аясында сатып алу құқығынсыз жалдамалы пәтер алып, онда адал нәпақасын жинап, кейін 3 бөлмелі үй алған.
- Мен жастарға сатып алу құқығынсыз жалдамалы пәтер алуға болатынын әлеуметтік желіден оқып білдім. Сөйтіп 2021 жылы бағадарламаға қатысып көрдім. Құжат жинау қиын болған жоқ. Үйдің кілтін біраз күткеніміз бар, бірақ есесіне “Алма Сити-5” тұрғын үй кешеніне бір бөлмелі пәтер алдым, - деді ол