Мемлекет басшысының Жарлығымен Руслан Сұлтанұлы Желдібай Қазақстан Республикасы Президентінің көмекшісі – Президенттің Баспасөз хатшысы болып тағайындалды, - деп хабарлайды Aqshamnews.kz.
Ақорда сайтының мәліметінше, ол бұрынғы атқарған лауазымынан босатылды.
Руслан Желдібай туралы не белгілі?
Р. Желдібай 1989 жылы Жамбыл облысының Қаратау қаласында туған.
2010 жылы Т.Рысқұлов атындағы Қазақ экономикалық университетін тәмамдады. «Болашақ» халықаралық білім беру бағдарламасының түлегі. 2017 жылы Ұлыбританиядағы Уорик университетінің магистратурасын бітірді.
2011–2012 жж. – «Қазақстан» ұлттық телеарнасының редакторы.
2012–2018 жж. – «Алматы» телеарнасының бөлім басшысы, продюсері.
2018–2019 жж. – ҚР Ақпарат және қоғамдық даму министрлігінің Ақпарат комитетінде интернет кеңістігі мен әлеуметтік желілердегі ақпараттық жұмыс басқармасының басшысы.
2019–2020 жж. – ҚР Ақпарат және қоғамдық даму министрлігінің Ақпарат комитеті төрағасының орынбасары.
2020 жылғы мамырдан 2022 жылғы ақпанға дейін – ҚР Президенті Әкімшілігінің ішкі саясат бөлімінің меңгеруші орынбасары.
2022 жылғы ақпаннан сәуірге дейін – ҚР Премьер-Министрі Кеңсесі Басшысының орынбасары.
2022 жылғы сәуірден 2023 жылғы қаңтарға дейін – Қазақстан Республикасы Президентінің Баспасөз хатшысы.
2023 жылғы қаңтардан 2023 жылғы қыркүйекке дейін – ҚР Президенті Әкімшілігі Басшысының орынбасары – Президенттің Баспасөз хатшысы.
2023 жылғы 1 қыркүйектен 2025 жылғы 17 ақпанға дейін – Қазақстан Республикасы Президентінің Ішкі саясат және коммуникациялар жөніндегі көмекшісі.
2025 жылғы 17 ақпаннан бастап – Қазақстан Республикасы Президентінің Кеңесшісі – Баспасөз хатшысы.