Еркін күрестен Ұлттық құрама көшбасшысы Ризабек Айтмұхан (97 кг) Испанияның Понтеведра қаласында өтіп жатқан 20 жасқа дейінгі палуандар арасындағы әлем чемпионатында топ жардығ деп хабарлайды aqshamnews.kz.
Ол - еркін күрестен жастар арасында әлем чемпионы атанған төртінші балуан. Осыған дейін Рамзан Муртазалиев (1996 жылы), Әбіл Ибрагимов пен Иосиф Момцелидзе (2000 жылы) әнұранымызды шырқатқан болатын. Міне, кеше ғана араға 24 жыл салып Ризабек Айтмұхан сол сара жолды жалғады.
Туризм және спорт министрлігінің хабарлауынша, ол финалда әзербайжандық Хетаг Карсановті таза жықты. Есеп: 10-0. Айта кетейік, Ризабек Айтмұхан 2023 жылы Сербияның Белград қаласында өткен ересектер арасындағы әлем чемпионатында алтын жүлде иеленген болатын. Осылайша ол тәуелсіз Қазақстанның еркін күрес тарихында әлем чемпионы дәрежесіне жеткен тұңғыш балуан атанды.