«Қазавтожол» ҰК» АҚ баспасөз қызметінің мәліметінше, сағат 18.00-дегі ақпаратқа сәйкес ауа-райының нашарлауына байланысты (қар, боран, жол бойындағы көрінудің шектелуі) республикалық маңызы бар автожолдардың 7 учаскесінде жол қозғалысына шектеу енгізілген.
Ақмола облысында 4 жол учаскесі, Қостанай облысында 3 учаске жабық. Күре жолдарда 100 арнайы техника мен 140 маман жұмыс атқарып жатыр, – делінген хабарламада.