Сағат 19:05 ақпаратқа сәйкес, еліміздің төрт өңірінде ауа райының қолайсыздығына байланысты, республикалық маңызы бар автожолдардың бес учаскесінде қозғалыс уақытша шектелді, деп хабарлайды Almaty-akshamy.kz.
Республикалық маңызы бар автомобиль жолдарының ұлттық операторының мәліметінше, Абай өңірінде «Алматы-Өскемен» тасжолының Қалбатау ауылынан ШҚО шекарасына дейінгі аралығында көліктің барлық түрі үшін қозғалысқа шектеу енгізілді.
Ақмола облысында Щучье-Зеренді тасжолы және Атбасар қаласы мен Қажымұқан кентінің арасы жабық.
Шығыс Қазақстан облысында «Алматы-Өскемен» тасжолының Абай облысының шекарасынан Қасым Қайсенов кентіне дейінгі аралығында жол қозғалысына шектеу енгізілді.
Қарағанды облысында «Екатеринбург-Алматы» тасжолының Жұмабек ауылынан Балқаш қаласына дейінгі аралығында жүк және қоғамдық көліктердің қозғалысы шектелді.