Алматы қаласының Қылмыстық атқару жүйесі департаменті қарасты №11 мекемеде жазасын өтеуші жасөспірімдер тәрбие бөлімі қызметкерлерімен бірлесе отырып, Республика күні құрметіне «Жасай бер, жайнай бер, Тәуелсіз Қазақстаным!» деген тақырыпта кездесу өткізді.
Кездесуге Жамбыл атындағы қалалық жасөспірімдер кітапханасының қызметкері Ш.Құмарова арнайы келіп, қолдау көрсетті. Бас бостандығынан айырылып, жазасын өтеп жатқан жасөспірімдер ел, жер, Отан, отбасы туралы сезімін өлең шумақтары арқылы жеткізді.
Оларға еліміздің тарихындағы елеулі оқиғалар викториналық сұрақ ретінде қойылып, нәтижесінде балалардың танымдық ой-өрісі кеңейді деуге болады. Сұрақ-жауап танымдық ойынына белсенді қатысқан жастарға кітаптар мен естелік сыйлықтар табысталды.
Іс-шара кітапханашылар дайындаған кітап көрмесімен түйінделді. Ал белсенді қатысқан жазасын өтеуші жасөпірімдер «Мақтау қағазбен» марапатталды. Мұндай іс-шаралар жастардың бойында отансүйгіштік сезімді қалыптастырып, өмірге деген оң көзқарас пен болашаққа деген сенімді нығайтады дейді мекеме мамандары.