Салық берешегі 5 мың рубль шамасында.
Ресей Федерациясы салық төлеуден жалтарған Қазақстан азаматына іздеу жариялады, деп хабарлайды Almaty-akshamy.kz
Polisia.kz мәліметінше, биыл 3 мамырда Шығыс Қазақстан облысы полиция департаментіне РФ Алтай өлкесі бойынша сот приставы федералдық қызметінен 5 мың рубль (33 мың 704 теңге, 1 рубль - 6,74 теңге) мөлшерінде жер салығын төлемеген 69 жастағы Қазақстан азаматына іздеу жариялау туралы хат түсті.
«Көші-қон қызметі қызметкерлері салық төлемеген әйелдің Павлодар қаласында тұрып жатқанын анықтады. Олар мәліметтерді құзырлы органдарға жіберді», - деп жазылған хабарламада.
Жыл басынан бері ШҚО-да полицейлер осындай 60-қа жуық азаматты анықтаған.