Қытайда Хуацян каньоны арқылы өтетін әлемдегі ең биік көпірдің құрылысы толық аяқталды.
Құрылымның биіктігі – 625 метр, ал ұзындығы – шамамен үш шақырым. Бұл көрсеткіш бойынша ол Эйфель мұнарасынан екі есе биік. Көпірдің ресми ашылуы қыркүйек айына жоспарланып отыр, - деп хабарлайды Aqshamnews.kz.
Инженерлер нысанның сенімділігін дәлелдеу үшін оған жалпы салмағы 3360 тонна болатын 96 жүк көлігін жүргізіп, бес күн бойы беріктігін сынады. Көпір жүктемеге еш қиындықсыз төтеп берген.
Құрылыс бар болғаны 3,5 жылда аяқталды. Құрылым жер сілкінісінен қорғайтын икемді аспалармен жабдықталған.
Жаңа нысан Қытайдың оңтүстік-батысындағы Люжи және Анлун аймақтарын байланыстырып, таулы өңірдегі жолды айтарлықтай қысқартады. Сонымен бірге, бұл тек көлік көпірі ғана емес: мұнда шолу алаңы, шыны лифт, дәмхана және экстремалды секіру алаңы да қарастырылған.