Мемлекет басшылары елдер арасындағы қарым-қатынастың қазіргі жай-күйін талқылады
Шолпан-Атадағы ертеңгі саммит басталмас бұрын Қырғызстан президенті өз әріптестеріне әуелі Ыстықкөлдің табиғатын көрсетті, деп хабарлайды Almaty-akshamy.kz «Хабар 24» телеарнасына сілтеме жасап.
Қасым-Жомарт Тоқаев, Садыр Жапаров және Шавкат Мирзиёев Ыстықкөлде теплоходпен серуендеді. Галстуксыз, яғни бейресми кездесу барысында да мемлекет басшылары елдер арасындағы қарым-қатынастың қазіргі жай-күйін талқылады.
Орталық Азия мемлекет басшыларының төртінші Консультативтік кездесуі ертең осы Шолпан-Атада түс әлетінде басталады деп жоспарланып отыр. Бұл үш елдің көшбасшысына Тәжікстан мен Түркіменстан елдерінің президенттері келіп қосылады.