Экология және табиғи ресурстар министрлігінің мәліметінше, Шығыс Қазақстандағы бір ғана Зайсан ойпатында 11 түрлі 791 жыртқыш құстың өлексесі табылды.
Оның ішінде 43 бүркіт (Aquila chrysaetos), 11 дала бүркіті (Aquila nipalensis) болған.
Электр желілерінің қыран-құстар жаппай ұя салатын жерінен өтетін тұсындағы қырылу ауқымы мамандардың төбе шашын тік тұрғызды: желілердің әрбір 10 шақырымында орта есеппен 108,4 сирек құс өлген. Бұл – табылған мүрделер ғана. Жыртқыштар сүйретіп алып кетіп, жеп қойғаны қаншама?!
Мұндай қайғылы көрініс барлық жерде бар. Қиналып өлген, тірідей жанып кеткен құстардың 44%-ы – ірі жыртқыш құстар. Соның ішінде қарақұстар, бүркіттер, дала бүркіттері де болған.