Қазақстанда құқық қорғау органдарының басшылық қызметтеріне үміткерлерді полиграф арқылы тексеру жоспарланып отыр. Сонымен қатар, азаматтық қорғау органдары мен мемлекеттік фельдъегерлік қызметтің қызметкерлері де өз қызметін көтеру барысында «жалған сөйлегенді анықтайтын құрал» арқылы тексеріледі, деп хабарлайды aqshamnews.kz
Бас прокуратура ұсынған жобада құқық қорғау органдары, азаматтық қорғау және мемлекеттік фельдъегерлік қызметтерде полиграфологиялық зерттеулер жүргізу ережелеріне өзгерістер мен толықтырулар енгізу ұсынылуда.
Жобаға сәйкес, бұл тексерулер қызметкерлердің жоғары лауазымдарға тағайындалуы немесе қызметтік тексерулер барысында жүргізілетін болады.