Ойын бизнесімен заңсыз айналысқандар қылмыстық жауапкершілікке тартылады.
Бұл, әсіресе, онлайн казино ашып алғандарға қатысты. Бүгінде ойын бизнесін реттеуге арналған 3 заң жобасы дайын, деп хабарлайды Almaty-akshamy.kz Qazaqstan.tv-ға сілтеме жасап.
Жаңа құжатқа сәйкес, құмар ойындарына 25 жастан бастап рұқсат беріледі. Банкке немесе қаржы ұйымдарына қарызы бар азаматтар букмекерлерлік орталықтарға, казиноларға жолай алмайды. Сондай-ақ, Қазақстанда тіркелмеген кеңселердің жұмыс істеуіне заңмен тыйым салынады. Ойын бизнесін транспортта, интернет платформаларда, телерадио, фильм, баспа беттерінде жарнамалауға болмайды.