Қалпына келтіру жұмыстары жүргізіліп жатыр.
«Қазселденқорғау» мекемесінің мамандары Алматы тұрғындарының 6 сәуірдегі өтініштеріне жауап берді. Олардың айтуынша, Есентай өзенінің арнасын тұрақтандыру үшін арнайы жұмыстар жүргізіліп жатыр, деп хабарлайды Almaty-akshamy.kz.
«Есентай өзенінің арнасын тұрақтандыру үшін жағалаудың су шайып, бүлінген учаскелеріне бетон төсемін тартылып, қалпына келтіру жұмыстары жүргізілуде. Сол күні «Қазселденқорғау» ММ мамандары нысанды тексеріп, әл-Фараби даңғылынан төмен 1 барражда каскадтың тік диафрагмасында қалыңдығы шамамен 2-3 см жарықшақтың пайда болғанын анықтады. Соның салдарынан техникалық жолдың топырағы жарықшаққа ағып кетіп, эрозияға ұшыраған», - делінген арнайы жасалған мәлімдемеде.
Барлық тиісті жұмыстар толық көлемде жүргізілді.
