Әлеуметтік желілерде кеңінен тараған «қаздан қашқан бала» видеосының кейіпкері – үш жасар Керей Махамбетұлы күтпеген сыйлыққа ие болды.
Ақтөбе қаласындағы «Ауыл» партиясы филиалының өкілдері кішкентай Керейге 100 қаз тарту етті, - деп хабарлайды Aqshamnews.kz.
Желіде вирусқа айналған бейнежазба бүгінде 200 миллионнан астам қаралым жинаған. Тіпті аты әлемге танымал америкалық рэпер Snoop Dogg та бұл видеоны өз парақшасында бөлісіп, миллиондаған жазылушысына ұсынған.
Желі жұлдызы туралы сайтымызда бұған дейін де жазған едік.
Керей Ақтөбе қаласындағы Күншуақ шағынауданында тұрады. Әкесі — дене шынықтыру пәнінің мұғалімі. Отбасы мал шаруашылығымен айналысады: жылқы, пони және қаз ұстайды.
Алайда желі қолданушылары бұл жағдайға ерекше реакция білдірді. Көпшілік әзіл аралас пікір қалдырып жатыр:
«Қаздан қашқан балаға тағы да қаз сыйлағаны қызық екен»,
«Неден қорықсаң, соған тұтыласың дейді ғой»,
«Жүз жылқының алдына түсіп жүгірсем бе екен?..»
Керейдің қаздан қашқан сәті күлкі мен ықыласқа толы реакциялар тудырғанымен, елге танымал болуымен бірге осындай тосын сыйға да себеп болды.