Украинадағы артиллериялық шабуылдар мен әуе соққыларының жиілеуіне байланысты, қауіпсіздікті қамтамасыз ету мақсатында Қазақстанның Украинадағы елшілігі қазақстандықтарға белсенді ұрыс әрекеттері жүріп жатқан аймақтарға жақын орналасқан жерлерден кетуді немесе Украинадан шығуды қарастыруды ұсынды, деп хабарлайды aqshamnews.kz
Елшілік барлық азаматтарды әуе дабылын елемей, жедел түрде қауіпті аймақтардан кетуді, жеке қауіпсіздік шараларын сақтауды және ресми биліктің нұсқауларын орындауды сұрайды.
Қазақстан азаматтары Украинадан Қазақстанға шығу үшін мына маршруттарды пайдалана алады: Польша немесе Молдова арқылы, кейін коммерциялық әуе рейстерімен.
Польша арқылы шығу үшін қазақстандықтар шенген визасын алу қажет. Молдоваға кіру үшін виза талап етілмейді.