6 қазан күні түнде Жамбыл және Түркістан облыстарында, сондай-ақ Шымкент қаласында жер сілкінісі сезілді, - деп хабарлайды Aqshamnews.kz.
Бұл туралы Ұлттық деректер орталығы хабарлады.
Сейсмологтардың мәліметінше, жерасты дүмпуінің эпицентрі Қырғызстан аумағында, Алматы қаласынан 465 шақырым оңтүстік-батыста орналасқан.
Жер сілкінісі Астана уақытымен 01:29-да тіркелді.
Жер сілкінісінің магнитудасы – 5.9
Энергетикалық класы – 13.3
Шамаменгі қарқындылығы – 2–4 балл аралығында.
Шымкентте дүмпулердің күші 3 баллға жеткен.
Зардап шеккендер мен қираулар туралы ақпарат түскен жоқ.