Мереке түнінде туған нәресте саны бойынша көш басында Түркістан облысы тұр.
Елімізде жаңа жыл түні 181 сәби дүниеге келді, деп хабарлайды aqshamnews.kz ҚР Денсаулық сақтау министрлігіне сілтеме жасап.
Жаңа жыл түнінде республика перзентханаларында 181 бала дүниеге келді, оның ішінде 105 ұл мен 76 қыз. Маңғыстау облысында егіздер туды.
Мереке түнінде туған нәрестелердің ең көп саны Түркістан облысында тіркелді – 34 сәби, екінші орында - Алматы қаласы мен Алматы облысы - 17 нәресте, ал Шымкент қаласында 16 отбасы қуанышқа бөленді. Астанада өткен жылдағыдай 10 сәби дүниеге келген.