Енді 3 700 000 тенгеден (1000 АЕК) жоғары сомаға несие беру кезінде банк қарыз алушының жұбайының рұқсатын сұратуға міндетті болады, деп хабарлайды аlmaty-akshamy.kz.
Мәселені бүгін Сенат депутаттары талқылады. Заң жобасы қазақстандықтардың несиелік жүктемесін азайтуға бағытталған. Бірақ бұл сома нақты емес деп айтылды. Президент заңға қол қойғаннан кейін, Қаржы нарығын реттеу және дамыту агенттігі өзінің нормативтік құқықтық актісінде 60 күн ішінде нақты соманы анықтауы керек.
Сонымен, 2026 жылға дейін проблемалық несиелер коллекторларға сатылмайды. Ал егер тұрғын банк алдындағы қарызын 90 күннен артық төлемесе, оған басқа несие мүлде берілмейді.