Қазақстандықтардың басым бөлігі ел iшiнде қай өңірлерге көшіп жатыр

Тұрғындардың басым бөлігі Алматыға көшкен 

2022 жылдың алғашқы үш айында 76,9 мыңнан астам адам Қазақстанның бір өңірінен екіншісіне көшті. Бұл 2021 жылдың сәйкес кезеңімен салыстырғанда 8,9%-ға аз, деп хабарлайды Almaty-akshamy.kz Azattyq Rýhy агенттігіне сілтеме жасап.

LS сайтының мәліметінше, тұрғындардың басым бөлігі Алматыға – 16,9 мың (-0,3%), оның ішінде Алматы облысынан – 8372 мың, Жамбыл облысынан – 1731, Түркістан облысынан – 1279, Нұр-Сұлтан қаласынан – 1263, ШҚО – 907, Шымкент қаласынан – 692, Қызылорда облысынан – 610 адам көшіп келді.

Одан әрі Нұр-Сұлтан қаласына, Ақмола облысынан – 3551, Түркістан облысынан – 1671, Қарағанды облысынан – 1597, ШҚО-дан – 1354, Павлодар облысынан – 1131, Алматыдан – 1063, Жамбыл облысынан – 1060 және басқалардан 16,6 мың адам (+1,7%) қоныс аударған.

Танымалдылығы бойынша 2022 жылдың І тоқсанының қорытындысы бойынша үшінші бағыт Алматы облысы болып табылады – 9044 адам (-2,6%): Алматыдан – 4844, Жамбыл облысынан – 841, Түркістан облысынан – 799, ШҚО – 652, Нұр-Сұлтаннан – 462, Шымкенттен – 282.

Өз кезегінде Шымкентке басқа өңірлерден 7768 адам (-38,3%) көшіп келді, оның 5814-і Түркістан облысынан, 611-і Нұр-Сұлтаннан және 325-і Алматыдан.

Сонымен қатар, Түркістан облысы 2022 жылдың алғашқы үш айында басқа өңірлерден 7135 адамды (-8,8%) қабылдады: Шымкенттен – 4240, Нұр-Сұлтаннан – 908, Алматыдан – 480, Алматы облысынан – 356.
Сондай-ақ, Ақмола облысына 4070 тұрғын (+1,7%) көшкен, оның ішінде Нұр- Сұлтаннан – 2286, СҚО-656 және Қарағанды облысынан – 190 тұрғын.

Ал Жамбыл облысына 2478 адам (-17,3%) көшіп келді: Алматыдан – 616, Нұр-Сұлтаннан – 517, Алматы облысынан – 424 және т. б.

Қарағанды облысы 1986 тұрғынмен толықты (-2,2%): Нұр-Сұлтаннан – 663, Түркістан облысынан – 173, Алматыдан – 154.

Басқа аймақтарға келетін болсақ, ШҚО-ға 1658 адам (-14,5%), Қызылорда облысына – 1442 (-19,7%), Маңғыстау облысына – 1424 (-18,9%), Ақтөбе облысына – 1298, Павлодар облысына – 1253 (-4,4%), Қостанай облысына – 1079 (-9,3%), Атырау облысына – 1072 (+4,3%), БҚО-да – 903 (-0,9%) және СҚО-да – 812 (-23,7%).