Министрліктің мәліметінше, осындай учаскелер саны – 11, – деп хабарлайды aqshamnews.kz тілшісі.
Бүгін Қазақстанның Сыртқы істер министрінің орынбасары Әлібек Қуантыров Мәжіліс кулуарында кей елдерде жабық болып қалған дауыс беру учаскелеріне қатысты пікір білдірді.
Министрліктің мәліметінше, осындай учаскелер саны – 11.
"Жалпы шетелде шамамен 14,3 мың дауыс беруші бар деп жоспарланып отыр. 10 елде 11 учаске ашылмайды, бұл – негізінен Парсы шығанағы елдері", – деді Қуантыров.
Ол жабық учаскелер салдарынан дауыс бере алмайтын азаматтардың нақты санын атау қиын екенін, бірақ бұл ақпаратты СІМ баспасөз қызметі жариялайтынын айтты.
"Мүмкіндік болса, олар басқа учаскелерде дауыс бере алады", – деп толықтырды спикер.