Мамыр айында бес күндік жұмыс аптасымен жұмыс істейтін қазақстандықтарды ұзақ демалыс күндері күтіп тұр.
Бұл айда үш ресми мереке жұмыс күндеріне сәйкес келеді, деп хабарлайды aqshamnews.kz Finratings.kz-ке сілтеме жасап.
Мамыр – демалысқа ең бай айлардың бірі. Биыл мерекелердің ешқайсысы сенбі-жексенбіге түспейді және оларды ауыстыру да қарастырылмаған. Яғни, демалыс күндері сол күйінде сақталады.
Мерекелік күндер:
•1 мамыр, бейсенбі – Қазақстан халқының бірлігі күні;
•7 мамыр, сәрсенбі – Отан қорғаушылар күні;
•9 мамыр, жұма – Жеңіс күні.
Осылайша, бес күндік жұмыс кестесімен жүргендер мамырда 12 күн демалады.
Ал алты күн жұмыс істейтіндер үшін бұл айда 7 күн демалыс қарастырылған.