Қазақстандықтар енді орта және жоғары білім туралы құжаттардың түпнұсқалығын eGov Mobile қосымшасы арқылы тексере алады, деп хабарлайды aqshamnews.kz
Бұл туралы «Ұлттық ақпараттық технологиялар» акционерлік қоғамының баспасөз қызметі жазды.
«Бұл қызмет жоғалған құжаттар мен шетелдегі жоғары оқу орындарында алған білім туралы құжаттарға да қатысты. Бұған дейін мұндай қызметті тек eGov.kz порталында пайдалануға болатын еді.»
Қызметті алу үшін келесі қадамдарды орындау қажет:
- Авторизациядан өту;
- «Білім» бөлімінде «Орта, техникалық және кәсіби, жоғары білім туралы құжаттарды мойындау» қызметін табу;
- Қажетті мәліметтерді толтырып, құжаттарды жүктеп, жеке деректерді пайдалану туралы келісім беру;
- Face ID/Touch ID арқылы өтінішті қол қою.
Құжаттарды электронды форматта жеке кабинетте немесе қызмет көрсетушінің мөрі мен қолтаңбасымен қағаз түрінде алуға болады.