Қару-жарақ ІІМ деректер базасы арқылы криминалдық сараптамадан өткізіледі.
ҚР Ішкі істер министрлігінің өкілі Шұғыла Тұрлыбектің айтуынша, ел азаматтары 1,2 мың қаруды полицияға өз еріктерімен тапсырды, деп хабарлайды Almaty-akshamy.kz.
«Ішкі істер министрлігі тұрғындардан заңсыз сақталған атыс қаруларын, оқ-дәрі мен жарылғыш заттарды сатып алу республикалық акциясын жалғастырып жатыр. Қару-жарақты өз еркімен тапсырған азаматтарға әр қарудың жай-күйіне байланысты 10-нан 100 айлық есептік көрсеткішке дейінгі сома төлеу көзделген. Акция өткізілген 2 айдың ішінде полицияға азаматтар 1 232 бірлік қару мен 9 мыңнан астам оқ-дәріні өз еріктерімен тапсырды», - деді ол.