Қазақстандық теннисші Елена Рыбакина АҚШ-тың Индиан-Уэллс турнирінің жартылай финалына шығып, WTA live-рейтингінде екінші орынға көтерілді, деп хабарлайды Aqshamnews.kz тілшісі.
Бұл өзгеріс оның АҚШ-та өтіп жатқан Индиан-Уэллс турнирінің жартылай финалына шығуынан кейін болды. Аталған кездесуде Рыбакина америкалық Джессика Пегуланы (әлемнің 5-ракеткасы) 6:1, 7:6 есебімен жеңді.
Ал бұған дейін рейтингтің екінші сатысында тұрған полькалық Ига Швентек украиналық Элина Свитолинадан (9-орын) жеңіліп, жарысты жалғастыра алмады.
Енді Рыбакина жартылай финал жолдамасы үшін емес, финалға шығу жолында дәл осы Элина Свитолинамен кездеседі.
Қазіргі live-рейтинг бойынша Елена Рыбакинаның еншісінде 7523 ұпай бар. Ал рейтингтің көшін 10415 ұпаймен Арина Соболенко бастап тұр.
Айта кетейік, Елена Рыбакина екі бірдей Grand Slam турнирінің жеңімпазы саналады. Ол 2022 жылы Уимблдонда және 2026 жылы Australian Open турнирінде топ жарған.