Қазақстандық музыканттар Диас Елемес пен Олжас Нұрланов Италияның Кастельфидардо қаласында өткен «Premio Internazionale della Fisarmonica» атты беделді халықаралық баяншылар мен аккордеоншылар байқауының жеңімпаздары атанды, деп хабарлайды aqshamnews.kz
Байқауда Диас «World Senior» санатында 1-орынға ие болса, Олжас «Virtuoso Senior» санаты бойынша жеңіске жетті.
Байқауда Қазақстаннан жас музыканттар Жетпіс Елжан, Жандос Сауыт, Темірлан Ахымбек, Маймақов Нұржан өнер көрсетті.
Кастельфидардодағы «Premio Internazionale della Fisarmonica» (PIF) - әлемдегі ең беделді баян және аккордеон байқауы. Биыл оған 60 елден 200-ден астам музыкант, сондай-ақ әлемнің түкпір-түкпірінен 50 қазы қатысты.