Қазақстандық компаниялар 4 күндік жұмыс аптасына көшуге асығар емес.
Еңбек кодексіне тиісті өзгеріс енгеніне 1 ай болды. Осыған байланысты HeadHunter сарапшылары зерттеу жүргізіп, 80-нен астам кәсіпорыннан сауалнама алған, деп хабарлайды Almaty-akshamy.kz.
Оның 69 пайызы бұл жүйені мүлде қарастырмайтындарын ашық айтқан. 3 пайызында ғана жұмыс күнін қысқартуға мүмкіндік бар екен.
«Алайда, ол күннің ауылы алыс», - дейді. Компаниялар 4 күндік жұмысқа өткен соң, өндіріс тоқтап, қызмет көрсету қиындай ма деп қорқады. Сонымен бірге, еңбек өнімділігі төмендеп, кәсіпорынның табысы азаяды деп болжап отыр.