Грекия астанасы Афинада өткен 17 жасқа дейінгі жасөспірім қыздар арасындағы әлем чемпионатында Қазақстан құрамасының атынан сынға түскен Мадхия Усманова күрестен алтын жүлде жеңіп алды,-деп хабарлайды Аqshamnews.kz тілшісі.
57 келі салмақта бақ сынаған жас балуан барлық белдесуде сенімді күрес көрсетті. Шешуші финалдық кездесуде ол Үндістан спортшысы Мониден 6:5 есебімен басым түсті. Бұл - Усманованың спорттық мансабындағы ең ірі жетістігі әрі Қазақстан құрамасының аталмыш чемпионаттағы алғашқы алтын медалі болды.
Сондай-ақ, тағы бір отандасымыз Інжу Баққожа 43 келі салмақ дәрежесінде қола жүлдені жеңіп алып, ел қоржынына тағы бір медаль салды.