Едіге Емберді Ислам ынтымақтастығы ойындарында тағы бір медаль жеңіп алды, - деп хабарлайды Aqshamnews.kz тілшісі.
Қазақстандық ауыр атлет Едіге Емберді Сауд Арабиясының Эр-Рияд қаласында өтіп жатқан Ислам ынтымақтастығы ойындарында кезекті жүлдесіне қол жеткізді. Бұл туралы ҚР Ұлттық Олимпиада комитетінің баспасөз қызметі хабарлады.
Спортшы 79 келіге дейінгі салмақ дәрежесінде өнер көрсетіп, қоссайыс қорытындысы бойынша 343 келіні (152 + 191) еңсерген.
Осылайша Едіге Емберді ойындарды үш медальмен аяқтады: екі қола және бір күміс жүлде.