Қазақстанда күміс өндіру айтарлықтай төмендеді.
Өндіріс көлемі қатарынан екінші жыл күрт төмендеп, 2011 жылдан бері ең төменгі көрсеткішке жетті, деп хабарлайды aqshamnews.kz.
Energyprom сарапшыларының мәліметі бойынша, 2024 жылдың қаңтарынан тамыз айына дейін елімізде 484,4 тонна күміс өндірілген. Бұл 2023 жылдың сәйкес кезеңімен салыстырғанда 23,5%-ға аз. Өткен жылы да өндіріс 8,6%-ға төмендеген болатын. Соңғы 13 жылда Қазақстан күміс өндіру деңгейі ең төменгі көрсеткішке дейін төмендеді.
Қазақстанда күміс негізінен басқа металдарды — мыс, қорғасын, алтын және тағы басқа ресурстарды өндіру кезінде қосалқы өнім ретінде алынады. Еліміз ТМД елдері арасында күміс өндірудің 23,9%-ын қамтамасыз етеді және әлемде 12-орында тұр (бірінші орында Мексика, екінші орында Қытай).
Өткен жылы бүкіл әлемде күміс өндіру 0,7%-ға азайған. Бұл металға деген сұраныс көбінесе өнеркәсіп саласымен байланысты: күміс қазіргі таңда күн панельдерін, электромобильдерді, ұялы телефондарды және басқа да құрылғыларды өндіруде кеңінен қолданылады.
Қазақстанда мұндай өнеркәсіптер жоқтың қасы. Сондықтан елдегі күмістің басым бөлігі шетелге экспортталады. 2023 жылы Қазақстаннан 389,5 тонна күміс экспортталып, негізінен АҚШ пен Ұлыбританияға жіберілген.
Қазақстанның соңғы уақытта алтынды экспорттаған жалғыз ел екені анықталды.