Азаматтарға вакциналаудың барлық кезеңдерінен өткеннен кейін 3 тілде қолжетімді электрондық құжат беріледі.
Қазақстан үкіметі «вакциналау паспортының» жаңа нұсқасын ұсынды, деп хабарлайды Almaty-akshamy.kz.
«Бүгінгі таңда Қазақстан Республикасының Бас мемлекеттік санитарлық дәрігерінің қаулысына өзгерістер енгізілуде, онда Қазақстанның цифрлық даму, инновациялар және аэроғарыш өнеркәсібі министрлігі Қазақстан Республикасының Денсаулық сақтау министрлігімен бірлесіп әзірлеген eGov mobile мобильдік қосымшасының «цифрлық құжаттар» сервисінде электрондық «вакциналау паспортының» жаңа нұсқасы ұсынылды», – делінген Денсаулық сақтау министрлігі баспасөз қызметінің хабарламасында.
Мамандардың айтуынша, электрондық құжаттың жаңа нұсқасында туған күні, төлқұжат нөмірі, QR-код сияқты жаңа деректер қосылды. Құжат иесі сұрау салушы тарапқа QR-кодты ұсына алады, бұл құжаттың заңдылығын тексеруге көмектеседі. Кодты сканерлеу кезінде пациенттің вакциналаудан өткені туралы дербес деректердің таралуын қорғау мақсатында анықтамадағы деректер жасырылған (деректердің бір бөлігі ***белгіленген) пациенттің вакциналануы туралы деректері бар бетке көшу жүзеге асырылады.
Қажет болған жағдайда мобильді қосымшаны пайдаланушының телефондағы мессенджерлер арқылы өзінің электрондық құжатымен бөлісу мүмкіндігі бар.
«EGOV mobile мобильдік қосымшасының «цифрлық құжаттар» сервисінде орналастырылған вакцинациялаудың электрондық паспортын ұсынуға мүмкіндігі жоқ адамның вакцинациясын растау үшін медицина қызметкері медициналық ұйымның ақпараттық жүйесінен басып шығарған қағаз жеткізгіштегі анықтаманы ұсыну мүмкіндігі бар», – деп хабарлады мамандар.