Энергетика министрлігі газ баллондарын таңбалау және есепке алу жүйесін енгізу мәселесін қарастыруда, деп хабарлайды aqshamnews.kz тілшісі.
Үкімет отырысында жеке тұрғын үй секторында және қоғамдық тамақтану орындарында тұрмыстық газ баллондарын қауіпсіз пайдалану мәселелеріне ерекше назар аударылды. Осы бағытта қабылданып жатқан шаралар туралы төтенше жағдайлар министрі Мұрат Мұханов баяндады.
Оларды пайдалану, сақтау және толтыру талаптарын бұзу ауыр зардаптарға әкелетін өрттер мен жарылыстардың туындау қаупін арттырады.
«Осы қауіпті азайту мақсатында әкімдіктер жанындағы газ-техникалық инспекциялардың газ тұтыну жүйелері мен жабдықтарын қауіпсіз пайдалану талаптарының сақталуына бақылауын күшейту қажет», – деді министр.
Қазіргі уақытта Көкшетау қаласында болат газ баллондарын өндіретін зауыт жұмыс істейді, бүгінде 500 дана баллон шығарылды. Қосымша Өнеркәсіп және құрылыс министрлігі Атырау және Алматы қалаларында композиттік баллондар өндірісін іске қосу мәселесін пысықтауда.
Энергетика министрлігі газ баллондарын таңбалау және есепке алу жүйесін енгізу мәселесін қарастыруда. Бұл олардың айналымы мен техникалық жай-күйін бақылауға мүмкіндік береді.