Қазақстан ANKA өндірісі жолға қойылған алғашқы шет ел атанды.
Бұл туралы индустрия және инфрақұрылымдық даму министрлігі мәлімдеді, деп хабарлайды Almaty-akshamy.kz Qazaqtv.com сайтына сілтеме жасап
«Келісім аясында ұшқышсыз ұшу аппараттарын бірлесіп өндіру саласындағы ұзақ мерзімді ынтымақтастық, сондай-ақ Қазақстанның Қарулы күштері үшін ұшу аппараттарын техникалық қызмет көрсету және жөндеу үшін технологияларды беру және персоналды оқыту жоспарлануда», - делінген хабарламада.
Айта кетейік, ұшқышсыз ұшатын ANKA барлау және соққы аппараты 2013 жылдан бері Түркияда құрастырылады. Ұрыс жағдайында сыналды. Ұшу аппаратының жоғары ұшу салмағы – 1 700 келі, 350 келіге дейінгі пайдалы жүктемені көтеруге қабілетті. Ұшу уақыты – ең жоғары 9 000 метрге дейінгі биіктікте 30 сағатқа дейін.