Такси қызметінің бағасы бір жылда 7 пайызға өскен.
2022 жылдың қаңтарында такси қызметін 161,5 млн жолаушы пайдаланды, бұл бір жыл бұрынғыдан 16,6%-ға артық, деп хабарлайды Almaty-akshamy.kz Еnergyprom.kz сайтына сілтеме жасап.
Ағымдағы жылдың 22 ақпанындағы жағдай бойынша такси қызметінің қымбаттығы жөніндегі елдер рейтингінде 1 км есеп бойынша Қазақстан 108 елдің ішінде 96-шы орынды иеленді.
1 сағат күту көрсеткіші бойынша Қазақстан рейтингте 89-шы орында тұр. Елімізде стандартты тариф бойынша таксимен 1 шақырым жүру құны орташа есеппен 0,35 АҚШ долларын, 1 сағат күту құны 3,5 АҚШ долларын құрады.
Таксимен 1 км жүрудің ең қымбат тарифі Швейцарияда (4,15 доллар), Жапонияда (3,49 доллар) және Сальвадорда (3 доллар). 1 сағат күтудің ең қымбат бағасы Швейцарияда (75,33 доллар), Данияда (64,46 доллар) және Исландияда (63,23 доллар).
Рейтингке қатысушы ТМД елдерінің ішінде 1 км-ге жүру бағасы, Қазақстан Республикасына қарағанда, тек Әзірбайжанда ғана жоғары, 1 сағат күту бойынша тарифтер Ресей мен Беларусьте қымбат.
Қазақстан Республикасына қарағанда, кез келген параметрлер бойынша арзанырақ такси қызметі Украина, Молдова, Армения және Өзбекстанда екен.
Ағымдағы жылдың қаңтар айының қорытындысы бойынша, Қазақстандағы такси тарифтері BNS ASPIR RK деректері бойынша бір жыл ішінде 7,1%-ға өсті.
Бағаның қымбаттауы Түркістан облысының тұрғындарына (бірден – жылына 28,2%) сезілді. Такси бағасы қымбат аймақтар үштігіне Қостанай (плюс 16,5%) мен Маңғыстау (14,7%) облыстары да кірді.
Бағаның ең аз өсімі Батыс Қазақстан облысында (жылына небәрі 0,8%-ға) тіркелді, ал басқа 17 өңірдің тағы 2 өңірінде – елордада және Атырау облысында – бұл сектордағы баға жыл ішінде өзгерген жоқ.
Ағымдағы жылдың қаңтар айында таксимен тасымалдаудан түскен кіріс 324,7 млн.теңгені құрады, бұл бір жыл бұрынғыдан 25,1%-ға артық.
Сала бойынша ең жоғары табыс Қарағанды облысында тіркелді: 142,2 млн теңге. Бұл көрсеткіш бойынша алғашқы үш аймаққа елорда мен Алматы да кірді.
Аймақтық тұрғыдан такси қызметін пайдаланатын жолаушылардың басым бөлігі Алматы қаласында болды: 58,9 млн адам, плюс жылына 6,9%. Үздік үштікке Жамбыл және Шығыс Қазақстан облыстары да кірсе, Ақмола облысы аутсайдер ретінде байқалды.
