Еңбек және халықты әлеуметтік қорғау министрлігі елімізде санаториялық-курорттық емдеу қызметін алу тәртібін түсіндірді, деп хабарлайды aqshamnews.kz
Министрліктің мәлімдемесіне сәйкес, мүгедектігі бар адамдар, оның ішінде мүгедек балалар да абилитациялау мен оңалтудың жеке бағдарламалары негізінде санаториялық-курорттық емдеу қызметін тегін ала алады. Бұл қызмет мемлекеттік бюджет қаражаты есебінен жылына бір рет, 14 күнтізбелік тәуліктен аспайтын мерзімде ұсынылады.
Сондай-ақ, мүгедектігі бар баланы санаториялық-курорттық емдеуге алып жүретін заңды өкілдерінің бірінің санаториялық-курорттық ұйымдағы болу құнына да өтемақы беріледі. Өтемақы жергілікті атқарушы органдардан кепілдік берілген соманың 70% мөлшерінде қарастырылған.
Санаториялық-курорттық емдеуге өтінішті қалалар мен аудандардың жұмыспен қамту және әлеуметтік бағдарламалар бөлімдеріне беруге болады.