Оқу-ағарту министрі Ғани Бейсембаев алдағы жаңа оқу жылында мектептерде қандай өзгеріс болатынын айтты, - деп хабарлайды Аqshamnews.kz тілшісі.
Бейсембаевтың айтуынша, Қазақстанда жаңа оқу жылы дәстүрлі түрде 1 қыркүйекте басталып, 25 мамырда аяқталады.
Министрдің мәліметінше, Білім күніне арналған салтанатты жиындардың өткізілу мерзімін енді әр мектеп өзі шешетін болады - соңғы шешімді педагогикалық кеңес қабылдайды.
"Оқу процесі 2 қыркүйектен басталады. Ал салтанатты жиынды өткізу күні мен уақытын мектептің педагогикалық кеңесі шешеді. Егер мектеп пен педкеңес жиынды 1 қыркүйекте өткізуді орынды деп тапса, біз ондай мүмкіндік береміз", – деді министр.