Науқастану 3,2 есеге азайған
Үкімет отырысында ҚР Денсаулық сақтау министрі Алексей Цой елде коронавирустан болатын өлім деңгейінің төмендегенін айтты. Өлім-жітім 2,7 есеге азайған, деп хабарлайды Almaty-akshamy.kz.
«Қазақстанда тамыз айының екінші жартысынан бастап эпидемиологиялық ахуалдың тұрақтануы байқалады, науқастану 3,2 есеге, ал өлім-жітім 2,7 есеге төмендеді. Бүгінде 4 өңір «жасыл» аймақта тұр. Олар: Жамбыл, Қызылорда, Маңғыстау және Түркістан облыстары», - деді министр.
Оның сөзінше, еліміздің 8 өңірі, атап айтқанда, Шымкент қаласы, Алматы, Атырау, Ақтөбе, Қостанай, Шығыс Қазақстан, Батыс Қазақстан және Солүстік Қазақстан облыстары «сары» аймаққа кірді.
«Қызыл» аймақта 5 өңір қалып отыр. Репродуктивтілік саны 0,88-ді құрайды», - деді Алексей Цой.