Сарапшылар қатыгездердің көрсеткіші 6%-ға өскенін айтады.
Өткен жылмен салыстырғанда, Қазақстанда жануарларға қатыгездікпен қарайтындар саны 6,5% өсіп, үстіміздегі жылдың алты айында құқық қорғаушылар жанауарларға қатыгездікпен қараған 33 оқиғаны тіркеген, деп хабарлайды Almaty-akshamy.kz Ranking.kz сайтына сілтеме жасап.
Сонымен қатар, үстіміздегі жылдың алты айында заңсыз аң аулаудың 48 фактісі, балық ресурстарын, басқа су жануарлары мен өсімдіктерін заңсыз алудың 132 фактісі, сирек кездесетін және құрып кету қаупі төнген, сондай -ақ тыйым салынған өсімдіктер мен жануарлардың түрлерімен заңсыз айналысудың 135 фактісі тіркелген.
Мұнымен қоса экологтар да зардап шекті. Мәселен, биыл жануарлар дүниесін қорғау жөніндегі мемлекеттік инспекторға, жануарлар дүниесін қорғау жөніндегі мамандандырылған ұйым инспекторына, аңшыға қатысты 3 зорлық-зомбылық оқиғасы тіркелген.
Республика бойынша жанауарларға қатыгездікті көп жағдайда Алматы облысының, астананың және Шымкенттің тұрғындары көрсеткені анықталған. Үстіміздегі жылдың басынан бері осы өңірдің әрқайсысында осындай бес қылмыстық құқық бұзушылық тіркелген.
Жағымсыз рейтингтің төртінші және бесінші жолдарын Алматы қаласы мен Қарағанды облысы алды.
Естеріңізге сала кетейік, Қазақстанда заң жобасы әзірленген болатын, бұл құжат бойынша жануарларға қатыгездік көрсеткені үшін нақты жаза алуға болады, деп хабарлайды zakon.kz.
Сонымен, бұзақылық ниетпен өлімге немесе жарақатқа әкеп соқтыратын ауыртпалықты тудырған немесе өзімшіл ниетпен жануарға қатыгез қарым -қатынас жасағаны үшін 2000 АЕК-ке дейінгі айыппұлмен, түзеу жұмыстарымен немесе қоғамдық жұмыстарға тартумен жазаланады. 600 сағатқа дейін немесе екі жылға дейін бас бостандығын шектеу немесе сол мерзімге бас бостандығынан айыру қарастырылған.
