2022 жылдан бастап бұрын көтерілмеген санаттардың табысы артады
2022 жылдан бастап Қазақстанда биылғы жылы табысы өспеген мамандардың жалақысын көтеру басталады, деп хабарлайды Almaty-akshamy.kz LS-ке сілтеме жасап.
Еңбек және халықты әлеуметтік қорғау министрлігінің мәліметінше, 2022 жылдан бастап бұрын көтерілмеген санаттардың табысы артатын болады. Оларға мұрағатшылар, кітапханашылар, музейтанушылар, орманшылар, техникалық қызметкерлер және басқалар жатады. Барлығы 588 мың адам. Жалпы, келесі жылы жалақы шамамен 1,2 млн азаматтық қызметшіге өседі.
Сондай-ақ, министрлiкте 2022 жылдың 1 қаңтарынан бастап ең төменгі жалақы (ЕТЖ) 60 мың теңгені құрайтынын еске салды, бұл ағымдағы көрсеткіштен 41%-ға жоғары. Бұл әр түрлі меншік нысанындағы кәсіпорындарда барлық салаларда жұмыс істейтін 1,6 млн адамның ақшалай табыстарының өсуіне әкеледі.
Бірінші кезекте ЕТЖ көтерілуі «жалақысы төмен» қызметкерлерге қатысты болады. Жалақы деңгейін белгілеу кезінде ЕТЖ көрсеткішін пайдаланатын жұмыс берушілер де жалақыны қайта қарайтын болады.
2023 жылы педагогтардың жалақысы 2020 жылмен салыстырғанда екі есе өсуі тиіс. Бұдан басқа, 2021 жылы медициналық және әлеуметтік қызметкерлердің жалақысын кезең-кезеңімен арттыру басталды, нәтижесінде төрт жыл ішінде олардың жалақысы да екі есе артады.
Қазіргі уақытта, еңбек ресурстарын дамыту орталығының мәліметтері бойынша, білім беру қызметкерлерінің табысы саудадағы қызметкерлерге қарағанда төмен.
