Ол «Особняк» мейрамханасының гастрономиялық іс-шарасына қатысады, деп хабарлайды aqshamnews.kz тілшісі.
Алматы халықаралық гастрономия өкілдерінің назарын аударып келеді. 2026 жылы 29-30 қарашада қалаға Азия, Еуропа, АҚШ және Таяу Шығыста мейрамхана саласында 15 жылдан астам тәжірибесі бар оңтүстіккореялық аспаз Sin Keun Choi келеді.
Аспаздың танымал жобаларының бірі Дубайдағы FIVE LUXE бес жұлдызды қонақ үйінде орналасқан Ronin мейрамханасы. Ол осы мейрамхананың гастрономиялық тұжырымдамасын әзірлеген. 2025 жылы мейрамхана MICHELIN гидіне еніп, «Жыл жаңалығы» (Opening of the Year) арнайы марапатын иеленді.
Алматыда Sin Keun Choi «Особняк» мейрамханасының гастрономиялық іс-шарасына қатысады. Сонымен қатар Shymbulak тау курортымен танысады.
Халықаралық деңгейде танылған аспаздардың Алматыға келуі қаланың гастрономиялық туризмін дамытуға жол ашады. Жергілікті өнімдер мен ұлттық тағамдарды заманауи мейрамхана мәдениетімен ұштастыру қаланың туристік тартымдылығын арттыруға мүмкіндік береді.