Қазақстанда 14 мыңнан астам шетелдік азамат ресми түрде еңбек етіп жүр, деп хабарлайды Aqshamnews.kz тілшісі.
1 қазандағы мәлімет бойынша, жергілікті атқарушы органдардың рұқсаты негізінде елімізде 14 666 шетел азаматы жұмыс істеп жатыр.
Қазіргі таңда Қазақстан аумағында шетелдік жұмыс күшін пайдаланатын 1 896 жұмыс беруші ұйым бар. Бұл кәсіпорындарда жалпы 339 мыңнан аса қазақстандық еңбек етеді, олар қызметкерлердің 96 пайызын құрайды.
Шетелдік азаматтар ең көп жұмыс істейтін салалар:
-
Құрылыс – 4 799 адам
-
Ауыл, орман және балық шаруашылығы – 3 065 адам
-
Тау-кен өнеркәсібі және карьерлерді қазу – 1 187 адам
-
Өңдеу өнеркәсібі – 1 085 адам
Еңбек мигранттарының негізгі келу елдері:
-
Қытай – 5 330 адам
-
Өзбекстан – 2 682 адам
-
Түркия – 1 046 адам
-
Үндістан – 1 012 адам
Статистикаға сүйенсек, шетелдік жұмысшылардың басым бөлігі инфрақұрылымдық және табиғи ресурстарды игеру салаларына тартылған.