Қазақстанда бірқатар банктің трансшекаралық операцияларына қатысты тексеру басталады, деп хабарлайды Aqshamnews.kz тілшісі.
Қаржы нарығын реттеу және дамыту агенттігі (ҚНРДА) мәліметінше, тексеру белгіленген тәртіппен жүргізіліп, оған Қазақстан Ұлттық Банкі және Қаржылық мониторинг агенттігі қатысады.
Еске салайық, 2026 жылғы 16 қаңтарда Президент Қасым-Жомарт Тоқаев банктер туралы заңға қол қойған болатын. Құжатта лицензиялауды ырықтандыру (базалық және әмбебап лицензия), цифрлық қаржы активтерін реттеу, исламдық банктік операциялар, тұтынушылар құқығын қорғауға бағытталған мінез-құлықтық қадағалау секілді өзгерістер қарастырылған.