2025 жылдың 1 наурызынан бастап Қазақстанда балалардың білім алуына арналған жинақ жасау үшін мемлекет қаржы бөледі. Бұл қаржы сондай-ақ отбасыларға баспана жағдайын жақсартуға да жұмсалуы мүмкін, деп хабарлайды aqshamnews.kz
Бағдарламаның шарттары:
- 60 АЕК (шамамен 207 000 теңге) — барлық балаларға беріледі.
- 120 АЕК (шамамен 414 000 теңге) — жетім балаларға беріледі.
Қаражат арнайы жинақ шоттарына немесе сақтандыру келісімшарттарына аударылады.
Ата-аналар не істеуі керек?
Әр жыл сайын қосымша қаржы салу қажет:
- 12 АЕК (шамамен 41 000 теңге) — көпбалалы отбасылар үшін.
- 24 АЕК (шамамен 83 000 теңге) — қалған отбасылар үшін.
Кімдер алады?
Бағдарлама 5 жастан асқан балаларға арналған. Әр балаға тек бір рет ақша беріледі.
Жинақталған қаржыны қалай жұмсауға болады?
- Білім алу үшін төлем жасау.
- Баспана сатып алу.
- Ипотеканы өтеу.
- Үй салу немесе сатып алу құқығымен жалға алу.
Егер ата-аналар жинақ жасау міндетін орындамаса, азаматтығын жоғалтса немесе келісімшарт бұзылса, ақша мемлекетке қайтарылады. Бірақ өмірлік қиын жағдайлар болған жағдайда ерекше жағдайлар қарастырылған.
Бұл бағдарлама отбасыларға білім мен баспанаға қаржы жинауды жеңілдетеді және қаржылық ауыртпалықты азайтады. Әсіресе, көпбалалы және аз қамтылған отбасыларға үлкен көмек болады.