22 қазаннан бастап кезекші арнайы халыққа қызмет көрсету орталықтарының (ХҚКО) жұмыс уақыты ұзартылды.
«Азаматтарға арналған үкімет» мемлекеттік корпорациясының мәліметінше, енді кезекші арнайы ХҚКО-лар дүйсенбіден жұмаға дейін 09:00-ден 20:00-ге дейін, ал сенбі күндері 09:00-ден 13:00-ге дейін жұмыс істейді. Қалған ХҚКО-лар бұрынғы кесте бойынша — 09:00-ден 18:00-ге дейін қызмет көрсетуді жалғастырады.
«Бұл өзгерістер азаматтар үшін мемлекеттік қызметтердің қолжетімділігін арттыру мақсатында енгізілді. Көлік құралдарын тіркеу және есепке алу қызметтері 18:00-ге дейін, ал құжаттарды беру қызметі 20:00-ге дейін жүзеге асырылады», — деп хабарлады мемлекеттік корпорация.
Кезекші ХҚКО және арнайы ХҚКО-лардың ағымдағы тізімімен осы жерден танысуға болады.