Бұл туралы Индустрия және инфрақұрылымдық даму министрлігі хабарлады.
Ғылыми атақты ғалымдар Айдос Елшібаев пен Дәурен Есентай алды, деп хабарлайды Almaty-akshamy.kz
Докторлық дәрежені «ҚазжолҒЗИ» АҚ және «Жолкөлік» Қазақ ғылыми-зерттеу және жобалау институтының өкілдері алды.
Наурыз айында халықаралық білім беру корпорациясының базасында «Көлік құрылысы» мамандығы бойынша алғаш рет PhD докторы дипломдары табыс етілді. Ғылыми дәреже Қазақстан жол ғылыми-зерттеу институтының вице-президенті Айдос Елшібаевқа және «Жолкөлік» Қазақ ғылыми-зерттеу және жобалау институты мансап орталығы директорының орынбасары Дәурен Есентайға берілді.
Айдос Елшібаев «Көлік құрылысы» мамандығы бойынша докторлық диссертациясын қорғады. Жас ғалым, «ҚазжолҒЗИ» АҚ вице-президенті өзінің ғылыми жұмысында асфальтбетондар мен полимерасфальтбетондардың төмен температуралық сипаттамалары (беріктігі, бұзылу деформациясы, климаттық кернеу) тақырыбын зерттеді.